Tanja Fajon nesër viziton Kosovën
BKT
Lajme

Tanja Fajon nesër viziton Kosovën

V.Thaçi / RTKlive

Presidentja e Kosovës, Vjosa Osmani, do ta presë nesër Ministren e Punëve të Jashtme të Sllovenisë, Tanja Fajon.

Për këtë ka njoftuar presidenca.

“Në orën 11:00, Presidentja e Republikës së Kosovës, Vjosa Osmani pret në takim zëvendëskryeministren dhe ministren e Punëve të Jashtme të Sllovenisë, Tanja Fajon”, thuhet në njoftim e presidencës.

Kryediplomatja sllovene do të takohet edhe me Kryetarin e Kuvendit Glauk Konjufca dhe kryediplomaten, Donika Gërvalla.

Fajon është emër i njohur për publikun kosovar pasi ajo edhe kur nuk ishte ministre e punëve të jashtme të Sllovenisë ka pasur pozicione që e kanë sjellë shpeshherë në Kosovë, sidomos për çështjen e vizave.


MË SHUME NGA Lajme