13:45 / 10.02.2023
Superliga rikthehet me disa superduele
F.Bytyqi/RTKLive
Elita e futbollit kosovar pas një pauzë të gjatë rikthehet në aksion këtë vikend.
Superliga e Kosovës në futboll, nesër vjen me tri ndeshjet e para të xhiros së 19-të.
Kampioni në fuqi i Kosovës, Ballkani stinorin pranveror e nis në udhëtim tek Malisheva, derisa Drenica i bën ‘konak’ Llapit, kurse, Gjilani para tifozëve të tyre përballen me Ferizajn.
Kryesfida e kësaj fundjave luhet në Mitrovicë, ku Trepça ’89 ballafaqohet me Dritën, derisa Prishtina pjesën e dytë të garave, do ta nis në udhëtim tek Dukagjini.
Të gjitha ndeshjet fillojnë në orën 13:00.























