17:03 / 12.02.2023
Manchester United për pesë minuta mposht Leeds Unitedin
Uran Krasniqi/RTKLive
Manchester United e ka mposhur për pesë minuta Leeds Unitedin sot në takimin në kuadër të javës së 23-të në Premier League.
Tetëdhjetë minuta rrjetat kanë heshtur në stadiumin "Elland Road".
Pastaj ka dalur në skenë fillimisht Rashford e pesë minuta më pas edhe Garnacho dhe "Djajtë e kuq" e kanë mbyllur ndeshjen me rezultat 2-0.
Pas kësaj fitore Manchester United ka 46 pikë dhe tani renditet në pozitën e dytë në tabelë, me një pikë më shumë se Manchester City po edhe me një ndeshje më shumë. Ndërsa Leeds United gjendet në pozitën e 17-të me 19 pikë.























