Trajneri i Dortmundit pas fitores ndaj Chelseas: Ishte fantastike
BKT
Sport

Trajneri i Dortmundit pas fitores ndaj Chelseas: Ishte fantastike

F.Bytyqi/RTKLive

Trajneri i Borussia Dortmundit, Edin Terziç, është shprehur shumë i lumtur me fitoren dhe paraqitjen e të besuarve të tij ndaj Chelseas.

‘Milionerët’ e Gjermanisë mbrëmë mundën londinezët (1-0), në ndeshjen e parë të 1/8 së finales në Ligën e Kampionëve.

Terziç tha se kjo fitore është shumë rëndësishme për skuadrën e tij. Ai e pranon se skuadra e tij kishte edhe fat, derisa Terziç lavdëri portierin e tij.

“Ishte fantastike. Ne patëm edhe fat dhe një portier të jashtëzakonshëm”, tha ai.

“Chelsea e dominoi në pjesën e fundit të ndeshjes, por është shumë e rëndësishme që fituam në shtëpi”.

“Ne u mbrojtëm mirë. Kobel ishte në formë të jashtëzakonshme”, ka theksuar Terziç.