Kurti: Nuk mjafton që barnat t’i ketë farmacisti, nëse nuk i ka pacienti
BKT
Foto: Albin Kurti/Arkiv
Lajme

Kurti: Nuk mjafton që barnat t’i ketë farmacisti, nëse nuk i ka pacienti

M.Shefkiu/RTKlive

Pas miratimit të Projektligji për Çmimin e Produkteve Medicinale nga ana Qeverisë, ka reaguar kryeministri i Kosovës, Albin Kurti. Ai tha në rrjetin social facebook, se barnat duhet të jenë edhe të disponueshme edhe të përballueshme.

“Nuk mjafton që ato të jenë në raftet e barnatoreve, nëse nuk janë në sirtarët e shtëpive tona. Nuk mjafton që t’i ketë farmacisti, nëse nuk i ka pacienti. Na duhen të dyja, pa kursyer shëndetin dhe duke kursyer xhepin”, ka shkruar Kurti.

Projektligji për Çmimin e Produkteve Medicinale, që e miratuam sot në qeveri, sipas tij, mundëson që të përballohen sëmundjet me barna të përballueshme.

“Na mundëson të vendosim çmime tavan dhe të unifikuara për ilaçet. Që të ruajmë shëndetin e qytetarëve dhe t'i mbrojmë ata nga abuzimi me çmime”, ka deklaruar kryeministri Kurti .


MË SHUME NGA Lajme