Kurti e Dendias flasin për takimin e Ohrit mes Kosovës e Serbisë
BKT
Foto: Zyra për Media e Kryeministrit
Lajme

Kurti e Dendias flasin për takimin e Ohrit mes Kosovës e Serbisë

J.Musliu/RTKlive

(Plotësuar) Kryeministri i Republikës së Kosovës, Albin Kurti, pati sot një drekë pune me ministrin e Jashtëm të Greqisë, Nikos Dendias, i cili po zhvillon vizitën e gjashtë të tij në Kosovë.

Sic njofton Zyra për Komunikim Publik e Kryeministrisë, ata diskutuan për marrëdhëniet ndërmjet dy vendeve dhe perspektivat për avancimin, themelimin dhe fuqizimin e tyre. 

Kryeministri Kurti i shprehu edhe një herë ngushëllime ministrit Dendias dhe popullit grek për jetët e humbura në aksidentit tragjik që ndodhi në Greqi në javën e parë të marsit. 

Ata folën për zhvillimet e fundit në vend dhe rajon, për procesin e normalizimit të marrëdhënieve me Serbinë dhe për propozimin evropian për Marrëveshje Bazë.

Me këtë rast kryeministri Kurti e njoftoi ministrin Dendias për takimin e 27 shkurtit në Bruksel dhe pritjet e Kosovës nga takimi i 18 marsit në Ohër të Maqedonisë së Veriut.

Kurti e Dendias në drekë pune

Kryeministri i Kosovës, Albin Kurti, është duke drekuar me ministrin e Punëve të Jashtme të Greqisë, Nikos Dendias, gjatë vizitës së këtij të fundit në Prishtinë.

Në të njëjtën kohë, ata janë edhe duke zhvilluar takimin e tyre kokë më kokë, në këtë drekë të shtruar në një një nga restaurantet që ndodhet në Parkun e Gërmisë.

Gazetarja e RTK-së, Venera Xhoxhaj, ka siguruar edhe fotografi nga kjo drekë, ku pranë tyre, nuk ndodhet asnjë nga zyrtarët e tjerë nga të dy vendet.

Pas kësaj dreke pune, ministri Dendias do të pritet në takim edhe nga homologia e tij, Donika Gërvalla.

Dendias e Kurti ne drekë pune

Ministri i Punëve të Jashtme të Greqisë, Nikos Dendias, i cili po qëndron për vizitë zyrtare në Kosovë, pas takimit me presidenten e Republikës, Vjosa Osmani, është pritur në takim nga kryeministri Albin Kurti.

Ndryshe nga herët e kaluara, kësaj radhe, ministri grek është pritur në një drekë pune të shtruar nga kryeministri kosovar.

Ekipi i RTK-së i cili po përcjell nga afër këtë vizitë, ka siguruar edhe fotografitë nga pritja e rezervuar nga nikoqiri për kryediplomatin grek.

Edhe në këtë rast, nuk pritet deklarim për media, ndonëse një takim tjetër, Dendias do të ketë edhe me homologen e tij kosovare, Donika Gërvalla.

Pritet që pas këtij takimi, të dy ministrat, ashtu siç ka ndodhur edhe në të kaluarën, të mbajnë një konferenfcë të përbashkët për media.


MË SHUME NGA Lajme