(Plotësuar: Ora 12:18) Tashmë ka përfunduar  takimi mes presidentit të Serbisë, Aleksandar Vuçiq me Përfaqësuesin e Lartë të BE-së për Politikë të Jashtme, Josep Borrell si dhe emisarin e BE-së për Ballkanin Perëndimor dhe dialogun Kosovë-serbi, Miroslav Lajçak.

Ky takim ka zgjatur rreth gjysmë ore më shumë sesa që ishte paraparë në agjendë.

Pas Vuçiqit, Borrell tani ndodhet në takim me kryeministrin e Kosovës, Albin Kurti.

Ndërkohë, Kurti takohet me Borrell, pas takimit me emisarin amerikan për Ballkanin Perëndimor, Gabriel Escobar.

Pas këtij takimi, pritet takimi trepalësh, Kurti-Borrell e Lajçak dhe Vuçiq.

Borrell e Lajçak në takim me Vuçiqin

Mediat serbe raportojnë se ka filluar takimi në Ohër mes presidentit të Serbisë, Aleksandar Vuçiq, dhe Përfaqësuesit të Lartë të BE-së për politikë të jashtme Josep Borrell e emisarit të BE-së për dialogun Kosovë – Serbi, Miroslav Lajçak.

Borrell e Lajçak, pas takimin me Vuçiqin nga ora 11:30 do të takohen me kryeministrin e Kosovës, Albin Kurti.

Më pas pritet të organizohet edhe takim trepalësh.