09:44 / 29.03.2023
Lajçak në Berlin e Londër, konsultime për dialogun Kosovë-Serbi
N.Mekolli /RTKlive
Përfaqësuesi i Posaçëm i Bashkimit Evropian për dialogun Kosovë-Serbi, Miroslav Lajçak, ka njoftuar se dje në Berlin kishte takime të shumta dhe konsultime me krerët e politikës gjermane, lidhur me dialogun.
Ai, në një postim në Twitter, ka njoftuar se konsultimin për dialogun Kosovë - Serbi do ta vazhdojë edhe në Londër, ku do të qëndrojë dy ditë.
“Pas një dite intensive në Berlin në Gjermani, dje kisha takime në Kancelarinë, Ministrinë e Jashtme Federale dhe Bundestag, tani po shkoj në Londër në Mbretërinë e Bashkuar, për dy ditë konsultimesh mbi Dialogun”, ka shkruar Lajçak në Twitter.
























