Derisa në Hagë ka nisë tashmë procesi i gjyqësor ndaj ish- krerëve të Ushtrisë Çlirimtare të Kosovës (UÇK), në vendlindjen e ish-presidentit Hashim Thaçi në Burojë të Skenderajt, familja Thaçi i ka hapur dyert për mysafirë. Në shtëpinë e ish-presidentit ndodhen prindërit dhe njëri nga vëllezërit e Hashim Thaçit, ndërsa familjarët e tjerë kanë udhëtuar për në Hagë.

Ndryshe, në Dhomat e Specializuara të Kosovës (DHSK) me seli në Hagë, sot filloi procesi gjyqësor kundër ish presidentit të Kosovës Hashim Thaçi dhe tre ish-m anëtarëve të Shtabit të Përgjithshëm të UÇK-së, Kadri Veselit, Jakup Krasniqit e Rexhep Selimit.

Katërshja e UÇK-së po qëndrojnë në paraburgim në Hagë prej nëntorit të vitit 2020. Ata akuzohen për krime lufte nga marsi 1998 deri në shtator 1999 në Kosovë e Shqipëri.

Radio Televizioni i Kosovës (RTK), ka dërguar ekip special, ku nga afër do të raportojë për zhvillimet rreth fillimit të gjyqit në Hagë.