14:59 / 14.04.2023
Kurti emëron këshilltar për marrëdhëniet me Maqedoninë e Veriut
E. Hoti/ RTKlive
Kryeministri i Kosovës, Albin Kurti, e ka emëruar Bekim Qokun, këshilltar të jashtëm politik për marrëdhëniet me Republikën e Maqedonisë së Veriut.
Këtë e ka bërë të ditur përmes një komunikate për media, zyra për informim e kryeministrit të Kosovës.
Sipas njoftimit emërimi i Qokut është bërë në funksion të zgjerimit dhe thellimit të bashkëpunimit me Maqedoninë e Veriut.
“Kryeministri Kurti i uroi z.Qoku suksese në detyrën dhe përgjegjësitë e reja, në funksion të zgjerimit dhe thellimit të bashkëpunimit me Maqedoninë e Veriut”, thuhet në komunikatë.























