Kurti: Fitër Bajrami sjelltë gëzime, mirësi e begati në shtetin tonë
BKT
Lajme

Kurti: Fitër Bajrami sjelltë gëzime, mirësi e begati në shtetin tonë

N.Mekolli /RTKlive

Kryeministri i Kosovës, Albin Kurti uroi myslimanët me rastin e Fitër Bjaramit duke uruar që kjo kremte të sjellë gëzim, paqe mirësi e begati në shtetin tonë.

Kurti, në një postim në Facebook, uroi që kjo festë të jetë ditë e ripërtëritjes së dashurisë për njeriun dhe njerëzoren.

“Pas një muaji përkushtim e sakrificë për lartësim shpirtëror, uroj që kjo festë të ju sjellë gëzim dhe paqe! Si ditë e besimit dhe shpresave të reja qoftë ditë e ripërtëritjes së dashurisë për njeriun dhe njerëzoren. Në solidaritet me të varfërit e të vetmuarit, kjo festë ua mbushtë zemrat me mirënjohje. Uroj mirësi e begati në shtëpitë tuaja dhe në shtetin tonë!”, shkroi Kurti në Facebook.

Ndryshe, pas përfundimit të muajit të madhërishëm të Ramazanit, besimtarët e fesë islame sot kremtojnë festën e Fitër-Bajramit. Manifestimi qendror për Fitër Bajramin, për Republikën e Kosovës, u mbajt në Xhaminë e Madhe në Prishtinë.


MË SHUME NGA Lajme