11:49 / 22.04.2023
Mediet italiane: Napoli dhe Rrahmani arrijnë marrëveshjen e re
F.Bytyqi/RTKLive
Kapiteni i Kombëtares së Kosovës, Amir Rrahmani do të jetë pjesë e Napolit edhe për disa sezone.
‘Napolitanët’ dhe Rrahmani sipas medieve italiane, tashmë kanë arritur marrëveshjen për kontratën e re.
Ylli i ‘Dardanëve’ do të vesh fanellën e Napolit deri në verën e vitit 2027 me opsion edhe për një sezon tjetër.
Rrahmani, i cili ka bërë një supersezon me skuadrën e Spallettit, në kontratën e re thuhet se do të përfitojë 2 milionë euro në vit.
Mbrojtësi kosovar me skuadrën nga ‘Armando Maradona’ është afër titullit të kampionit në Serie A.























