Sulmohet në Zveçan ekipi i ATV-së, lëndohen gazetari e kameramani
BKT
Lajme

Sulmohet në Zveçan ekipi i ATV-së, lëndohen gazetari e kameramani

N.M. /RTKlive

Në Zveçan është sulmuar me gurë ekipi i ATV-së, i përbërë nga gazetari Fatlum Jashari, kameramani Blend Thaçi, si dhe shoferi, Enis Sherifi, përderisa po përcillnin zhvillimet e fundit në këtë komunë, njofton Asociacioni i Gazetarëve të Kosovës.

“Sipas mediumit, disa persona të maskuar, e kanë sulmuar me gurë veturën derisa ishte në lëvizje, e që si pasojë lëndime të lehta trupore kanë marrë gazetari Fatlum Jashari dhe kameramani Blend Thaçi, si dhe iu janë thyer xhamat veturës”, thuhet në reagimin e AGK-së.

Asociacioni i Gazetarëve të Kosovës shprehet i shqetësuar për ekipet e medieve që po raportojnë nga veriu i vendit, andaj ju bëjmë thirrje Policisë së Kosovës, dhe prezencës ndërkombëtare atje të krijojnë kushte më të mira për ta.


MË SHUME NGA Lajme