Kurti: Profesor Nimani, figurë kozmopolite
BKT
Lajme

Kurti: Profesor Nimani, figurë kozmopolite

E. Hoti/ RTKlive

Kryeministri i Kosovës, Albin Kurti i ka shprehur ngushëllime familjarëve, të afërmve dhe gjithë komunitetit kulturor për vdekjen e profesorit Shyqri Nimani.

Kryeministri Kurti,  përmes një postimi në Facebook,  vlerësoi se profesori Nimani është figura qenësore e fillesave dhe zhvillimit të dizajnit grafik në Kosovë.

“Me pikëllim mora lajmin sot për vdekjen e profesorit, dizajnerit grafik dhe autorit Shyqri Nimanit. Profesor Nimani është figura qenësore e fillesave dhe zhvillimit të dizajnit grafik në Kosovë si fushëveprim, ku ka qenë edhe bartës i proceseve të ngritjes profesionale e arsimore të gjeneratave të reja të kësaj fushe në vend".

 Kurti  tutje ka shtuar se si figurë kozmopolite,ai ishte nxitësi dhe organizatori kryesor në themelimin e Galerisë Kombëtare të Kosovës, dhe të koleksionit të saj.

" Autor i shumë veprave mbi dizajnin grafik, tipografinë dhe artin në përgjithësi”, ka shkruar Kurti .

 Kryeministri tha se profesor Nimani do të mbahet në mend edhe si kaligrafi i deklaratës origjinale të Pavarësisë së Republikës së Kosovës.

“Në mesin e shumë kontributeve dhe veprave, profesor Nimani do të mbahet në mend edhe si kaligrafi i deklaratës origjinale të Pavarësisë së Republikës së Kosovës që është nënshkruar më 17 shkurt 2008".

"Me shumë kujdes dhe pasion puna e profesor Nimanit ka vazhduar e pandërprerë deri në ditët e fundit të jetës së tij”, ka shkruar Kurti.


MË SHUME NGA Lajme