13:05 / 25.06.2023
Vërshimet në Pejë, Konjufca: Kjo fatkeqësi ka tronditur gjithë Kosovën
M.Miftari/RTKlive
Kryetari i Kuvendit të Kosovës, Glauk Konjufca, ka reaguar për ngjarjen tragjike në Pejë, ku si pasojë e vërshimeve kanë vdekur dy persona, nënë e djali 5-vjeçar.
Konjufca, përmes rrjetit social Facebook, është shprehur se kjo fatkeqësi na prek secilin dhe ka tronditur të gjithë qytetarët e Kosovës.
“Në këto momente qëndrojmë pranë familjarëve të viktimave, siç jemi pranë të gjithë qytetarëve të Pejës, të cilët kanë pësuar nga këto vërshime. Njësitet përkatëse të emergjencave me profesionalizmin e tyre janë duke ofruar ndihmën dhe punën e tyre deri në stabilizim të plotë të situatës” , ka shkruar Konjufca, derisa të lënduarve u uroi shërim sa më të shpejtë për të lënduarit si pasojë e kësaj fatkeqësie.























