11:25 / 26.06.2023
Haxhiu: Beogradi ka pasur qëllim destabilizimin në veri të vendit
V. Thaçi / RTKlive
Ministrja e Drejtësisë, Albulena Haxhiu ka reaguar për lirimin e tre policëve të kidnapuar pak ditë më parë në veri të Kosovës, duke thënë se është lajm i mirë që dëshmon edhe më tej vërtetësinë për skemat e krijuara nga Beogradi me qëllim destabilizimin në veri të vendit.
Haxhiu ka thënë se kidnapimi i tre policëve nuk kishte të bënte me drejtësi por me agresionin e Serbisë në Kosovë.
“Këtë fakt duhet ta njohin dhe pranojnë edhe miqtë tanë ndërkombëtarë të cilët duhet të kërkojnë përgjegjësi ndaj autoriteteve serbe për hyrjen e tyre të jashtëligjshme në Kosovë dhe rrëmbimin e tre policëve kufitarë”, ka shkruar Haxhiu në rrjetin social Facebook .























