Vazhdon gjykimi ndaj Thaçit dhe të tjerëve, dëshmon dëshmitari i 12-të
V.Thaçi / RTKlive
Edhe sot në Hagë në Dhomat e Specializuara të Kosovës, vazhdon gjykimi ndaj Thaçit dhe të tjerëve.
Sot po dëgjohet dëshmitari i dymbëdhjetë dhe është duke u intervistuar nga mbrojtja e Rexhep Selimit, avokatit Geoffrey Roberts i cili fillimisht ka kërkuar që seanca të kalojë në sesion privat.
Kryetari i trupit gjykues, gjykatësi Charles Smith tha se dëshmitarin do të fillojë ta marrë në pyetje fillimisht mbrojtja e Selimit, më pas ajo e Thaçit, Veselit dhe në fund e Krasniqit.
Ndërsa, të pranishëm në sallën e gjyqit janë Thaçi, Veseli dhe Selimi, kurse Krasniqi është duke e përcjellë seancën përmes video-lidhjes.
Në këtë proces gjyqësor deri tani kanë dëshmuar njëmbëdhjetë dëshmitarë, të gjithë të mbrojtur, duke mos u bërë i ditur identiteti i tyre.
Ndryshe gjykimi ndaj Thaçit dhe të tjerëve ka nisur më 3 prill.























