Shqiptarët e Luginës së Preshevës kërkojnë drejtësi
Edona Podvorica /RTK
Partia e Ballit Kombëtar Demokrat Shqiptar, po proteston sot në Prishtinë, kundër presionit që Serbia po u bënë shqiptarëve në Luginën e Preshevës.
Ata po kërkojnë respektim të të drejtave të qytetarëve në Luginë dhe trajtim të barabartë.
Kryetari i Ballit Demokrat Shqiptar, Nikollë Perkaj, tha se Serbia po përdorë presion administrativ me qëllim të spastrimit etnik në heshtje.
“Në Kosovën Lindore po përdorë presionin administrativ, duke i bërë in-ekzistent, duke i shlyer adresat e banimit dhe duke i hequr të drejtat e pajisjes me kartela të identifikimit, duke i shlyer nga pronësia e patundshme dhe një mori marifetesh që vetëm serbët i bien ndërmend t’i bëjë kur jemi ne shqiptarët në pyetje”, deklaroi ai.
Gjithashtu, protestuesit kërkuan që të ndërpritet menjëherë pasivizimi i adresave, të anulohen të gjitha vendimet e lëshuara deri më tani.


























