RLIOF gati për Gala Mbrëmjen ‘Ramë Lahaj& Friends’
BKT
Kulturë

RLIOF gati për Gala Mbrëmjen ‘Ramë Lahaj& Friends’

Medina Pasoma / RTKlive

Teksa kanë mbetur edhe dy ditë deri te nisja e edicionit të tretë të ngjarjes më të madhe operistike në vend, “Ramë Lahaj International Opera Festival”, organizatorët janë duke i bërë përgatitjet e fundit.

Përkushtimi është i dukshëm për çdo natë të festivalit, mirëpo si gjithnjë veçohet gala mbrëmja.

“Ramë Lahaj&Friends” edhe sivjet sikurse në dy vitetet paraprake, do ta kthejë Prishtinën në arenë operistike botërore.

“Programi qendror i edicionit të 3-të të festivalit ndërkombëtar 'Ramë Lahaj' risjellë para publikut tenorin kosovar të skenave botërore, nën shoqërinë e miqve të tij si: soprano  e njohur Yulia Suleimanova, tenori Alessandro Safina e baritoni Massimo Cavalleti”, thuhet në njoftimin e RLIOF.

Mbrëmja muzikore do të dirigjohet nga Pier Giorgio Morandi e do të shoqërohet nga Filharmonia e Kosovës. Edhe sivjet arti bashkëvepron me hapësirën publike dhe sheshi “Skënderbeu” është adresa tashmë tradicionale.

Për bileta rreth këtij festivali mund të informoheni në rrjetet sociale të RLIOF.


MË SHUME NGA Kulturë