Drita eliminohet nga Viktoria Plzen
Uran Krasniqi/RTKLive
Drita është eliminuar nga Conference League. Është Viktoria Plzen e cila do të luajë në rrethin e tretë të garës dhe jo skuadra kosovare.
Kjo pas fitores së realizuar në Prishtinë kundër skuadrës gjilanase me rezultat 1-2.
Pas një pjese të parë të barabartë, ku ani se iniciativa ishte e mysafirëve, pjesa e dytë ka prodhuar edhe gola.
Ka qenë Viktoria që e para ka kaluar në epërsi.
Në minutën e shtatëdhjetë e shtatë Durosinmi pas pranimit të një topi nga Kalvach ka gjetur golin.
Pas pak ka ardhur barazimi i Dritës. Ka qenë minuta e dytë e kohës shtesë kur Krasniqi nga afërsia ka barazuar rezultatin.
Në ndeshjen me kohë shtesë më shumë se njëzet minuta, Erik Jirka ka realizuar nga penalltia për epërsinë e radhës për çekët, duke bërë që skuadra e tij të shkojë tutje dhe ajo kosovare të mos vazhdojë garën.
Paraprakisht Krasniqi është larguar me karton të kuq.
Ndeshja e parë në Çeki nuk kishte nxjerrë fitues.
Drita pranon edhe golin e dytë
Viktoria Plzen e ka gjetur edhe golin e dytë kundër Dritës në stadiumin "Fadil Vokrri" në Prishtinë.
Ka qenë minuta e njëzet e katërt e kohës shtesë kur Erik Jirka ka realizuar për epërsinë e radhës për çekët.
Paraprakisht Blerim Krasniqi është larguar me karton të kuq.
Ky rezultat e dërgon përpara Viktoria Plzenin.
Drita barazon kundër Viktoria Plzenit
Drita e ka barazuar rezultatin kundër Viktoria Plzen.
Ka qenë minuta e dytë e kohës shtesë kur Besnik Krasniqi nga afërsia ka barazuar rezultatin.
Ky rezultat 1-1, nëse nuk ndryshohet bën që ndeshja të shkojë drejt vazhdimeve e ka mundësi edhe drejt penalltive.
Fituesi i takimit kalon në rrethin e tretë.
Viktoria Plzen në avantazh kundër Dritës
Viktoria Plzen ka gjetur golin kundër Dritës në stadiumin "Fadil Vokrri" në Prishtinë.
Momentalisht skuadra çeke po fiton 0-1.
Ka qenë minuta e shtatëdhjetë e shtatë kur Durosinmi pas pranimit të një topi nga Kalvach ka gjetur golin.
Ky rezultat e çon skuadrën çeke përpara duke e rrëzuar Dritën.
Drita dominohet po s`thyhet në pjesën e parë
Drita është dominuar nga Viktoria Plzen në pjesën e parë, por megjithatë nuk është thyer.
Pjesa e parë e takimit në stadiumin "Fadil Vokrri" në Prishtinë është mbyllur me rezultat 0-0.
Çekët kanë pasur më shumë iniciativë, por skuadra kosovare e ka ruajtur portën.
Mbetet edhe një dyzet e pesë minutësh i plotë për ta dhënë fituesin e përballjes. 
Nis ndeshja Drita - Viktoria Plzen
Ka nisur ndeshja Drita - Viktoria Plzen, që është takimi i dytë i rrethit të dytë të Conference League.
Ndeshja e parë në Plzen ishte mbyllur me rezultat të barabartë 0-0. Fituesi i takimit do të kalojë në rrethin e tretë të garës.
Gjithashtu sonte në Conference League luajnë edhe dy skuadra të tjera kosovare: Ballkani dhe Dukagjini.
Drita - Vitoria Plzen, formacionet
Drita dhe Viktoria Plzen ndeshen sonte në takimin e dytë të rrethit të dytë të Conference League. Tashmë janë publikuar edhe formacionet zyrtare.
























