Mërgimtari që e kanosi deputetin Hoti, në gjykatë i kërkon falje
BKT
Foto: Avdullah Hoti / Facebook
Lajme

Mërgimtari që e kanosi deputetin Hoti, në gjykatë i kërkon falje

RTK

Në Gjykatën Themelore në Prishtinë, të martën është paraqitur mërgimtari që kanosi deputetin Avdullah Hoti.

Ai i kërkoi falje për kanosjen që ia kishte bërë në rrjetin social “Facebook”.

Mërgimtari theksoi se kjo është hera e parë që paraqitet para një gjykate dhe se i vjen keq për këtë.

Në anën tjetër, edhe deputeti Hoti tha se ky është rasti i parë që ai e sjelli para organeve të drejtësisë. E gjithë kjo kishte ndodhur më 15 dhjetor të vitit të kaluar. Hoti kishte bërë një status në të cilin kritikonte Qeverinë Kurti, e mërgimtari në fjalë e kishte kanosur ish-kryeministrin.

Po ashtu Hoti ka thënë se e ka pranuar marrëveshjen që mërgimtari të kontribuoj në njërën nga organizatat bamirëse në vend.

Përndryshe nuk janë të pakta kanosjet me adresa të ndryshme në rrjetet sociale.


MË SHUME NGA Lajme