Pendarovksi ka reaguar pas vizitës së kryeministrit Kurti në Çair e Tetovë
M.Sh/RTKlive
Presidenti i Maqedonisë së Veriut, Stevo Pendarovski ka reaguar të dielën kundër vizitës së kryeministrit të Kosovës, Albin Kurti në Çair e Tetovë, duke kërkuar që organizatorët e tubimeve publike të sanksionohen ligjërisht për shkelje të dispozitave ligjore. Pendarovski vizitën e Kurtit e ka cilësuar si nxitje të urrejtjen etnike.
“Theksimi i një ikonografie provokative nacionaliste që promovon idetë shoviniste të mëdha-shtetërore përfaqëson nxitjen e urrejtjes etnike dhe intolerancës që sulmon pa mëdyshje parimet dhe vlerat themelore të Traktatit Kornizë dhe konceptin e Maqedonisë si shtet multietnik”, ka shkruar Pendarovski.
Organizatorët e tubimeve publike në Tetovë dhe Çair, sipas tij, duhet të sanksionohen ligjërisht për shkelje të dispozitave ligjore lidhur me përdorimin e flamurit shtetëror, himnit dhe flamujve dhe simboleve të komuniteteve, duke injoruar siç thotë ai, plotësisht simbolet e shtetit.
“Lidhur me këtë, kërkoj nga organet kompetente që sa më parë të përfundojnë procedurat e parapara”, ka shkruar në reagim Pendarovski.
Ai ka reaguar edhe për emërimin rrugës në Çair me ermin e atdhetarit Adem Demaçi
“Mënyra e zbatimit të idesë së riemërimit të rrugës në Komunën e Çairit është në kundërshtim me parimin e debatit demokratik dhe respektimin e trashëgimisë historike të të gjitha komuniteteve në vend. Në këtë drejtim, pres nga shërbimet kompetente të inspektimit të kontrollojnë nëse është respektuar parimi i shumicës së dyfishtë, i cili duhet të përfshijë votat e komuniteteve jo shumicë në atë komunë”, ka thënë presidenti Pendarovski.
Kujtojmë se vetë kryeministri Albin Kurti tha se vizita e tij në Maqedoninë e Veriut nuk është partiake, por është kombëtare për të mirën e dy shteteve. “... Kështu që kjo vizitë nuk është partiake, është kombëtare është për të mirën e të dy shteteve tona, është për të mirën e qytetarëve në të dy anët e kufirit”, tha Kurti..jpg)























