11:51 / 24.08.2023
Haradinaj: Ne e kuptojmë më së miri luftën e popullit ukrainas
B. H./RTKlive
Kryetari i Aleancës për Ardhmërinë e Kosovës, Ramush Haradinaj, ka uruar Ukrainën me rastin e Ditës së Pavarësisë së saj.
Haradinaj ka thënë se Kosova dhe populli i saj e kuptojnë më së miri luftën e popullit të Ukrainës.
"Kosova dhe populli i saj e kupton më mirë se kushdo tjetër luftën e popullit të Ukrainës për liri e për mbrojtje të shtetit, prandaj jemi rreshtuar përkrah botës demokratike në mbrojtje të vlerave universale të lirisë, që sot me aq vendosmëri po i mbron populli ukrainas", ka shkruar Haradinaj në një postim në Facebook.






















