Policia jep detaje pas zjarrit në Klinikën e Psikiatrisë
BKT
Lajme

Policia jep detaje pas zjarrit në Klinikën e Psikiatrisë

E. Hoti / RTKlive

Një person mbeti i vdekur ndërsa një femër ka marrë lëndime trupore si pasojë e zjarrit të shkaktuar  mbrëmë pas mesnate në Klinikën e Psikiatrisë të Qendrës Klinike Universitare të Kosovës (QKUK).

Policia e Kosovës ka sqaruar se si pasojë  e tymit ndihmë dhe tretman mjekësor kanë pranuar edhe pesë persona nga personeli mjekësor i repartit të psikiatrisë.

“QKUK, Prishtinë, 24.08.2023 - 00:15. Është raportuar se në Klinikën e Psikiatrisë një nga dhomat e izolimit është përfshi nga zjarri dhe si pasojë një pacient, viktima mashkull  kosovar ka ndërruar jetë, vdekjen e të cilit e ka konfirmuar mjeku, ndërsa lëndime trupore ka pësuar viktima femër kosovare e cila është duke u trajtuar në qendrën emergjente të QKUK-së”, thuhet në raportin ditor të PK-së. 

Tutje në njoftim u tha se në vendin e ngjarjes kanë dalë të gjitha njësitë relevante të policisë, zjarrfikësi,  eksperti i zjarreve dhe Prokurori i Shtetit i cili e ka cilësuar rastin dhe me urdhrin e tij trupi i pajetë i viktimës është dërguar në IML për obduksion.

 Rasti vazhdon të hetohet si “ Zjarrvënie  dhe shkaktim i rrezikut të  përgjithshëm”.


MË SHUME NGA Lajme