10:58 / 27.08.2023
Kurti merr pjesë në Forumin Strategjik të Bledit
RTKlive
Kryeministri i Kosovës, Albin Kurti, ka udhëtuar për në Bled të Sllovenisë për të marrë pjesë në Forumin Strategjik të Bledit - BSF 2023.
Në kuadër të pjesëmarrjes së tij në këtë forum, kryeministri Kurti sonte do të marrë pjesë në darkën e punës së ftuar nga kryeministri i Republikës së Sllovenisë, Robert Golob, njofton zyra për informim e Kryeministrit.
Kurti të hënën do të jetë pjesë e një paneli të diskutimit së bashku me liderë të rajonit, si dhe do të zhvillojë disa takime bilaterale.























