16:23 / 30.08.2023
Filharmonia e Kosovës nis sezonin e ri me tri koncerte
M.P. / RTKlive
Filharmonia e Kosovës sezonin e ri do ta nis me tri koncerte gjatë muajit shtator. Prishtina e Peja janë dy destinacionet prej nga do të dëgjohet muzika klasike.
Koncerti i parë do të mbahet nga Kori i Filharmonisë së Kosovës me dirigjent Memli Kelmendi më 12 shtator në Kishën Katolike “Shën Ndou”, në Prishtinë.
I njëjti koncert do të rrugëtoj dy ditë më vonë në Kishën Katolike, “Shën Katerina” në Pejë.
Ndërkaq muaji do të përmbyllet me Orkestrën Filharmonisë nën dirigjimin e Antoine Marguier më 24 shtator, në Sallën e Kuqe në Pirshtinë.
























