Gjergji për Nënën Terezë: Ka shtrirë dorën e ndihmës për njerëzit në nevojë
BKT
Lajme

Gjergji për Nënën Terezë: Ka shtrirë dorën e ndihmës për njerëzit në nevojë

M.P. dhe V.Sh. / RTKlive

(E përditësuar 11:40) Ipeshkvi i Kosovës, Dodë Gjergji gjatë meshës solemne në nderim të Nënës Terezë ka dhënë mesazhe të paqes e humanitetit. Ai ka çmuar kontributin e humanistes shqiptare, duke e marrë si model.

“Rrallë herë populli ynë ka pasur mundësi që një shenjë nga qielli, i konfirmuar nga kisha, ta shtrijë dorën e ndërmjetësimit dhe ndihmës për të gjithë njerëzit në nevojë”, ka thënë ai gjatë ceremonisë.

Gjergji ka thënë se Nënë Tereza e ka kënduar himnin e dashurisë duke dhënë për të varfëritë. Tutje shtoi se ajo duke dhënë ndihmë për të varfëritë, është pasuruar shpirtërisht.

"Vetëm atë që dhuron është e jotja, gjithçka tjetër i takon Zotit. Nënë Tereza në gjithë jetën e saj është përpjekur që të jetë e përvuajtur, derisa i ka dhënë një gotë ujë të varfëritë.  Këtë e kam përjetuar vet më 4,5,6 mars të vitit 1991 kur ajo na shërbente në shtëpinë e saj darkën dhe mëngjesin. Ajo u bë zëri më i famshëm dhe më i fuqishëm i dashurisë në shekullin 20 sepse nuk pati frikë se do ta gjykonim të tjerët, as se do të humbte mbështetjen", ka thënë Gjergji. 

Nuk ka asnjë përshkrim të disponueshëm

Nuk ka asnjë përshkrim të disponueshëm

(11:08) Nis mesha solemne për Nënën Terezë

Në Katedralen e kryeqytetit po mbahet Kremtimi i meshës solemne të ditës së festës së Shën Nënë Terezës.

5 shtatori shënon edhe ditën e shenjtërimit të Nënë Terezës.

7 vite më parë, më 4 korrik 2016, Papa Françesku, duke lexuar formulën e shenjtë në emrin e Zotit ka shpallur Nënë Terezën, si Shën Tereza.


MË SHUME NGA Lajme