20:28 / 16.09.2023
Vajzat e Istogut fitojnë Superkupën e Kosovës në hendboll
Uran Krasniqi / RTKLive
Vajzat e Istogut e kanë fituar sërish Superkupën e Kosovës. Në finale ato ia kanë dalë që ta mposhtin Ferizajn.
Në ndeshjen e zhvilluar të shtunën në Mitrovicë rezultati ka qenë 31:27.
Kapitenes së Istogut, Albina Rugova, trofeun e Superkupës ia dorëzoi presidenti i Federatës së Hendbollit të Kosovës, Eugen Saraçini.
Medaljet i ndanë presidenti Saraçini dhe anëtari i bordit të FHK-së, Bujar Istrefi.
Kësisoji Istogu ka vazhduar dominimin në hendbollin kosovar. Ka fituar trofeun e tretë të vitit.























