10:19 / 17.09.2023
Policia e Kosovës parakalon në Paradën e Kombeve në Zelandë të Re
V.Th. RTKlive
Ambasada e Kosovës në Zelandë të Re përmes një postimi në rrjetin social “X” njofton se pjesëtaret e Policisë së Kosovës kanë parakaluar edhe në Paradën e Kombeve.
“Pesëmbëdhjetë pjesëtare të Policisë së Kosovës po qëndrojnë në qytetin Auckland të Zelandës së Re, ku po marrin pjesë në Konferencën Ndërkombëtare të Grave në Polici “IWPC2023”, thuhet në postimin e Ambasadës.
Ambasada e Kosovës në Zelandë të Re ka shpërndarë disa fotografi nga ky moment derisa ka shkruar “Parada e Kombeve mëngjesin e sotëm na bëri krenarë për përparimin e Policisë së Kosovës”.























