20:21 / 19.09.2023
Begaj publikon fotografi me Osmanin nga Nju Jorku
M.P. / RTKlive
Presidenti i Shqipërisë, Bajram Begaj ka publikuar një fotografi me presidenten e Kosovës, Vjosa Osmani nga vizita zyrtare në Nju Jork të Shteteve të Bashkuara të Amerikës.
Në mbishkrimin e fotografisë së publikuar në Facebook, i pari i shtetit shqiptar, ka shkruar “Bashkë”.
Dy presidentët shqiptarë po qëndrojnë në Nju Jork për sesionin e 78-të të Asamblesë së Kombeve të Bashkuara. Gjatë qëndrimit atje, Osmani ka realizuar disa takime, e njëra nga to ka qenë edhe me ish-presidentin amerikan, Bill Clinton dhe ish gjeneralin e NATO-s Wesley Clark.























