Borrell: Jemi duke u përgatitur për valën e ardhshme të zgjerimit
B. H. | RTKlive
Përfaqësuesi i Lartë i Bashkimit Evropian, Josep Borrell, është deklaruar për takimin e mbrëmshëm në Nju Jork me liderët e Ballkanit Perëndimor, ku po mbahet sesioni i 78-të i Asamblesë së Kombeve të Bashkuara.
Borrell i quajti ata anëtarë të ardhshëm të BE-së, teksa tha se janë duke u përgatitur për valën e re të zgjerimit.
“Takimi tradicional me gjashtë partnerët tanë të Ballkanit Perëndimor, anëtarët e ardhshëm të BE-së. Diskutuam sfidat aktuale globale, përafrimin, punën e përbashkët në forume shumëpalëshe dhe reformat. Duke u përgatitur për valën e ardhshme të zgjerimit, ne duam ta bëjmë realitet integrimin progresiv”, ka shkruar Borrell në rrjetin social ‘X’.
Në këtë takim tradicional të liderëve të Ballkanit Perëndimor mori pjesë edhe presidentja e Kosovës, Vjosa Osmani.























