23:05 / 20.09.2023
Finalisti i edicionit të fundit ndalet nga Real Sociedad
Uran Krasniqi/RTKLive
Finalisti i edicionit të kaluar të Champions League, Inter e ka nisur me barazim edicionin e ri.
Skuadra italiane është ndalur në Spanjë nga Real Sociedad.
Rezultati përfundimtar ka qenë 1-1.
Një gol i hershëm i Mendez, i realizuar qysh në minutën e katërt, ka vendosur vendasit në epërsi dhe ka bërë që ekipi nga Milano, ndryshe nga Serie A ku po tregon afinitet për gjetjen e golit, të mos mund ta gjejë atë në garën më prestigjioze të klubeve.
Skuadra e drejtuar nga Simone Inzaghi nuk është kursyer nga përpjekja për të ndryshuar rezultatin dhe e ka arritur atë vetëm tre minuta para mbylljes së ndeshjes me Martinez.
Në ndeshjen tjetër të grupit Benfica është mposhtur nga Salzburg.























