Tahiri kërkon hetim ndërkombëtar ndaj Serbisë
BKT
Lajme

Tahiri kërkon hetim ndërkombëtar ndaj Serbisë

E. Hoti / RTKlive

Deputeti i Kuvendit të Kosovës, Besnik Tahiri, në sesionin e Asamblesë Parlamentare të Këshillit të Evropës, ka kërkuar reagim ndërkombëtar për sulmin terrorist në veri të Kosovës.

Tahiri në fjalimin e tij ka pyetur se cili do të jetë qëndrimi i KE-së dhe kur do të reagojë ky institucion. 

"Shumë institucione, përfshirë ato të BE-së dhe SHBA-ve, kanë reaguar. Andaj cili do të jetë qëndrimi i Këshillit të Evropës, kur do të reagojë ky institucion? Dhe çfarë mendoni për hetimin ndërkombëtar për të dëshmuar përfshirjen e Serbisë në këto sulme në Kosovën e pavarur", ka pyetur Tahiri. 

 Në pyetjen e Tahirit është përgjigjur ministri i Punëve të Jashtme të Letonisë, Krishjanis Karnish.

“Pikëpamja ime si ministër i Punëve të Jashtme të Latvisë, është që natyrisht të ndërmerret hetimi, dhe nëse del të jetë e vërtetë që ka pasur përfshirje nga jashtë, si sulm i organizuar nga një shtet, apo vet shteti, kjo e bënë edhe më shqetësuese. Vendi im e ka njohur pavarësinë e Kosovës, ne e përkrahim anëtarësimin e Kosovës në Këshillin e Evropës, në Bashkimin Evropian, si demokraci, por 34 nga ne në këtë Këshill duhet gjithashtu të kemi përshtypje të ngjashme, si dhe 12 që nuk janë këtu”, ka thënë Karnish.


MË SHUME NGA Lajme