10:48 / 16.10.2023
Haradinaj për Ahtisaarin: Figurë kyçe në rrugën tonë drejt shtetësisë
SH.Ç/RTKlive
Kryetari i Aleancës për Ardhmërinë e Kosovës, Ramush Haradinaj, ka thënë se Martti Ahtisaari, ka qenë një mik i madh i Kosovës. Ahtisaari, sot në moshën 86-vjeçare u nda nga jeta.
“I pikëlluar për ndarjen nga jeta të ish-Presidentit Martti Ahtisaari, një mik i madh i Kosovës, njëri ndër figurat kyçe në rrugën tonë drejt shtetësisë. Populli i Kosovës i është mirënjohës gjithmonë për kontributin e tij në shtetndërtim dhe mbështetjen në fuqizimin e subjektivitetit ndërkombëtar të shtetit të Kosovës”, shkroi Haradinaj në Facebook.























