Ministri turk i Mbrojtjes, Yaşar Güler nesër do ta vizitojë Kosovën
BKT
Lajme

Ministri turk i Mbrojtjes, Yaşar Güler nesër do ta vizitojë Kosovën

M.M. /RTKlive

Ministri i Mbrojtjes, Ejup Maqedonci nesër do të presë në vizitë zyrtare ministrin e Mbrojtjes të Republikës së Turqisë, Yaşar Güler.

Përmes një njoftimi për medie bëhet e ditur se nesër ministri turk do të qëndrojë për vizitë në Kosovë.

"Ceremonia zyrtare e pritjes do të zhvillohet nga ora 09:00 dhe do të shoqërohet  me togun ceremonial të FSK-së. Të dy ministrat do të mbajnë takimin kokë më kokë", thuhet në njoftim.

Po ashtu, ministri i Mbrojtjes së Turqisë, Güler, do të pritet në takim nga komandanti i FSK-së, gjenerallejtënant Bashkim Jashari.

Pas përfundimit të takimeve të planifikuara, duke filluar nga ora 10:45, do të mbahet konferencë për media.


MË SHUME NGA Lajme