Allegri pas fitores ndaj Milanit: Duam të kthehemi në LK
BKT
Sport

Allegri pas fitores ndaj Milanit: Duam të kthehemi në LK

F.Bytyqi/RTKLive

Trajneri i Juventusit, Massimiliano Allegri, është shprehur i lumtur me fitoren dhe paraqitjen e skuadrës së tij ndaj Milanit.

Juve mbrëmë mundi Milanin (0-1), në “San Siro”, duke bërë hapin e madh në garën për kreun e tabelës në elitën e futbolli italian.

“Luajtëm mirë, sidomos në mbrojtje. Pasi mbetëm në epërsi numerike, në pjesën e dytë nuk e nisëm shumë mirë, pastaj pas menaxhimit të topit, në pjesën e fundit duhej bërë më mirë, pa i dhënë mundësi Milanit të kundërsulmonte, sepse Leao është në gjendje të bëjë diferencën. Kishte kaluar një kohë e gjatë që kur kishim fituar kundër Milanit, jam i lumtur”, ka thënë Allegri.

Sipas strategut italian, objektiv i torinezëve është rikthimi në Ligën e Kampionëve.

“Interi, Milani dhe Napoli janë favoritët. Ne gjithmonë synojmë të kthehemi në Champions League”, ka theksuar Allegri.

Pas fitores ndaj Milanit, Juve ngjitët në pozitën e tretë me 20 pikë, dy me pak se lideri i tabelës, Inter.