Vizita e Von der Leyen, Policia do të kujdeset për mirëmbajtjen e rendit
BKT
Foto: RTKlive
Lajme

Vizita e Von der Leyen, Policia do të kujdeset për mirëmbajtjen e rendit

V.Th. RTKlive

Sot, në vendin tonë, do të qëndrojë për vizitë Presidentja e Komisionit Evropian (KE), Ursula von der Leyen.

E për këtë Policia e Kosovës njofton se do të kujdeset për ofrimin e sigurisë dhe mirëmbajtjen e rendit e qetësisë publike gjatë kohës së lëvizjes së eskortës dhe qëndrimit të presidentes së Komisionit Evropian, Ursula von der Leyen.

“Policia e Kosovës, gjatë kësaj vizitë do të kujdeset për ofrimin e sigurisë dhe mirëmbajtjen e rendit e qetësisë publike gjatë kohës së lëvizjes së eskortës dhe qëndrimit të delegacionit në vendin tonë.

Për të mundësuar qarkullim të lirë të eskortës zyrtare nën përcjellje dhe sigurim sipas itinerarit të lëvizjes, Policia e Kosovës gjatë mesditës do të bëjë ndërprerje të përkohshme të qarkullimit të trafikut (në intervale të shkurta kohore) nga aeroporti ndërkombëtar në drejtim të kryeqytetit dhe afër objekteve shtetërore, si dhe të disa segmenteve rrugore ku pritet të kalojë eskorta, ku do të ketë riorientim të trafikut në rrugë alternative, andaj Policia e Kosovës kërkon mirëkuptim të plotë nga ana e qytetarëve dhe pjesëmarrësve në trafik’, thuhet në njoftim.


MË SHUME NGA Lajme