19:42 / 02.11.2023
Nesër takohet stafi i Trepçës me Bordin, shqyrtohen kërkesat e minatorëve
E.A. / RTKlive
Bordi mbikëqyrës i Trepçës i ka ftuar për takim të premten drejtorët e njësive, inxhinierët dhe kryepunëtorët e kësaj ndërmarrjeje.
Kështu kanë konfirmuar për RTK-në nga sindikata e minatorëve.
Bëhet e ditur se takimi është thirrur të mbahet nga ora 12:00.
Sot bëhen 10 ditë prej kur minatorët e Trepçës kanë hyrë në protestë si shenjë pakënaqësie. Ata po kërkojnë përmbushjen e kërkesave të tyre, e që përfshijnë përmirësim të kushteve të punës, pagë të rregullta, sigurime shëndetësore dhe largimin e kryeshefit të ndërmarrjes.























