18:34 / 05.11.2023
Kosova fiton nga Sllovakia
Uran Krasniqi/RTKLive
Kombëtarja e Kosovës në hendboll ka mposhtur Sllovakinë në ndeshjen e zhvilluar të dielën në Pallatin e Rinisë në Prishtinë.
28-25 ka qenë rezultati përfundimtar i ndeshjes së dytë të fazës së parë kualifikuese për Kampionatin Botëror të vitit 2025.
Ndeshja e parë ishte mbyllur me fitoren e Sllovakisë me rezultat 33:23.
Selektori i Kosovës, Bujar Qerimi e ka vlerësuar shumë të rëndësishme fitoren me Sllovakinë, ndonëse ajo nuk ishte e mjaftueshme për avancim në kualifikime.
Sipas Qerimit, Kombëtarja është përmirësuar shumë në krahasim me ndeshjen në Sllovaki.
Ndeshjen e ardhshme Kosova e zhvillon kundër Britanisë së Madhe.























