13:16 / 11.11.2023
Sveçla takon ministrin e Mbrojtjes të Turqisë,diskuton për sigurinë në vend
M.P. / RTKlive
Ministri i Punëve të Brendshme, Xhelal Sveçla është takuar me ministrin e Mbrojtjes të Turqisë, Yaşar Güler.
“Gjatë këtij takimi shpreha falenderimin për mbështetjen e vazhdueshme që kemi marrë nga shteti turk si dhe për mundësitë e shumta për bashkëpunim mes institucioneve”, njofton Sveçla.
Ai ka shkruar se sfidat e sigurisë kanë qenë pjesë e diskutimeve me ministrin turk.
“Disktuam për situatatën e sigurisë dhe sfidat me të cilat po përballemi. Potencova gatishmërinë e Republikës së Kosovës për të garantuar rend dhe siguri si dhe rëndësinë e përkrahjes së partnerëve tanë në këtë aspekt”, ka shkruar Sveçla.























