17:43 / 13.11.2023
Fabregas gjen punë si trajner te Como
Uran Krasniqi / RTKLive
Ish-mesfushori i Spanjës, Cesc Fabregas do ta marrë drejtimin e përkohshëm te Como pas largimit të Moreno Longo, ka njoftuar të hënën klubi italian i Serie B.
Ish-lojtari i Arsenalit, Barcelonës dhe Chelseas, i cili si futbollist doli në pension në korrik, pritet të debutojë si trajner në ndeshje me skuadrën Feralpisalo më 25 nëntor.
Aktualisht Como gjendet në vendin e gjashtë në renditjen tabelare të Serie B.
Fabregas sezonin e kaluar kishte luajtuar shtatëmbëdhjetë ndeshje në kategorinë e dytë të Italisë pikërisht me Como.























