Mbahet tryezë për bashkëpunim rajonal e integrim në Bashkim Evropian
A.B / RTKlive
Komisioni për Punë të Jashtme dhe Diasporë i Kuvendit të Republikës së Kosovës sot do të organizojë tryezën ndërparlamentare të komisioneve për punë të jashtme e komisioneve për integrim evropian të Kuvendit të Kosovës, të Shqipërisë dhe Maqedonisë së Veriut.
Në këtë tryezë do të marrin pjesë edhe nënkryetarja e Kuvendit, Saranda Bogujevci, zëvendëskryeministri Besnik Bislimi dhe zëvendëskryeministrja, njëherësh ministre e Punëve të Jashtme dhe Diasporës, Donika Gërvalla.
Mysafirë të tjerë do të jenë përfaqësues nga Parlamenti i Bullgarisë, i Kroacisë dhe i Bosnjë e Hercegovinës.
Në fund të kësaj tryeze do të nënshkruhet një memorandum mirëkuptimi.
Temat e diskutimit janë: Bashkëpunimi rajonal, integrimi në Bashkimin Evropian, angazhimi i diasporës dhe Marrëdhëniet ndërkombëtare.























