Klubi i madh italian në sulm për mbrojtësin portugez
BKT
Sport

Klubi i madh italian në sulm për mbrojtësin portugez

F.B./RTKLive

Klubi italian, Inter tashmë është duke menduar për disa përforcime në verën që vjen.

Skuadra “Nerazurre” sipas medieve italiane, është hedhur në sulm për mbrojtësin portugez të Lille-s, Thiago Djalo.

Portugezi është cak i disa klubeve të mëdha evropiane, por kësaj gare tashmë i ka hyrë edhe Inter.

Djalo thuhet se po luan sezonin e tij të fundit tek skuadra franceze, skuadër më të cilën ka kontratë deri në fund të këtij kampionati.

Portugezi siç raportohet, tashmë e ka njoftuar Lille-n se nuk do të rinovojë kontratë.

Djalo është i etur për një aventure të re në futbollin evropian.  Interi mund të jetë destinacioni i ardhshëm i mbrojtësit portugez.

Krerët e skuadrës italiane, mësohet se tashmë kanë kontaktuar agjentin e lojtarit për të shikuar mundësinë e transferimit të Djalo në “Guiseppe Meaza”.