Vuçiq: 1000 herë kam thënë, nuk e nënshkruaj anëtarësimin e Kosovës në OKB
M.Sh/RTKlive
Presidenti i Serbisë, Aleksandar Vuçiq edhe një herë ka ritheksuar se Serbia nuk do ta lejojë anëtarësimin e Kosovës në Organizatën e Kombeve të Bashkuara. Ai këtë deklaratë e ka bërë në një takim që ka zhvilluar me disa fëmijë të Kosovës, ku ka theksuar se në të ardhëm Serbinë e presin “gjëra të vështira”.
“Ata do të përpiqen t’i zgjidhin shumë gjëra në Kosovë para zgjedhjeve në Shtetet e Bashkuara të Amerikës dhe para zgjedhjeve evropiane. Nuk do të jetë e lehtë. Është detyra jonë të luftojmë dhe mbrojmë vendin tonë sa më shumë që të mundemi, gjithmonë dhe në çdo vend”, tha Vuçiq para gazetarëve.
“Qëllimi i tyre kryesor është të na vendosin në një kornizë ligjore në të cilën ne në njërën apo tjetrën mënyrë do ta njohim pavarësinë e Kosovës”, theksoi Vuçiq, sipas të cilit, anëtarësimi i Kosovës në OKB është “çështja kryesore që po shtyhet nga ndërkombëtarët”. “E kam thënë 1000 herë që nuk do ta bëj, edhe në vendet më të vështira”, tha Vuçiq.























