18:05 / 02.12.2023
Prokuroria përpilon kërkesën për paraburgim të Murselit dhe dy të tjerëve
F.Sertolli / RTKlive
Prokurorja e Shtetit ka përpiluar kërkesën për paraburgim për Naim Murselin dhe dy të tjerëve që dyshohen për vrasjen e Liridona Ademajt.
Lajmin e ka konfirmuar zëdhënësja e Prokurorisë Themelore të Prishtinës, Laureta Ulaj.
“Kërkesa për caktimin e masës së paraburgimit është përpiluar nga Prokurorja e Shtetit ndaj tre personave të dyshuar, të përfshirë në rastin e vrasjes së rëndë dhe brenda afatit ligjor do të delegohet në gjykatë”, tha Ulaj për RTK.
Ajo tha se seanca dëgjimore është caktuar për ditën e nesërme (e diele).























