15:13 / 03.12.2023
PSG me dhjetë lojtarë fiton nga Le Havre
Uran Krasniqi/RTKLive
Paris Saint-Germain nuk e ka penguar disavantazhi numerik i lojtarëve për të realizuar fitore ndaj Le Havre në Ligue 1.
Në ndeshjen e xhiros së katërmbëdhjetë parisienët kanë triumfuar me rezultat 0-2.
Mbappe (23') dhe Vitinha (89') kanë gjetur golat për skuadrën e trajnerit Luis Enrique.
Nga minuta e dhjetë PSG ka qenë me një lojtar më pak, pasi Donnarumma la fushën e lojës me karton të kuq.
Pas kësaj ndeshje tabela e Ligue 1 kryesohet nga PSG me tridhjetë e tri pikë, katër më shumë se Nice në vendin e dytë.























