14:49 / 11.12.2023
Klinaku: Bastisjet e Speciales, mbulim i dështimeve dhe skandaleve
M.P / RTKlive
Pas intervistimit të Haxhi Shalës apo komandantit i njohur me nofkën e luftës “Topi”, ushtruesi i detyrës së OVL të UÇK-së, Faton Klinaku, ka reaguar duke e quajtur Gjykatën Speciale si të dështuar.
Sipas tij, Zyra e Prokurorit të Specializuar në Hagë është pengues i drejtësisë.
“Bastisjet, arrestimet e ekstradimet, siç ndodhi sot me bashkëluftëtarin Haxhi Shala, bëhen për t'i mbuluar dështimet dhe skandalet e njëpasnjëshme të tyre”, ka shkruar ai në facebook.























