16:15 / 28.01.2024
Osmani: Zgjedhja e Xhaferit për kryeministër, moment historik
M.Miftari/RTKlive
Presidentja e Kosovës, Vjosa Osmani, ka uruar Talat Xhaferin për zgjedhjen e tij si kryeministër të Maqedonisë së Veriut.
Osmani, në platformën X, ka shkruar se sot shënohet një moment historik të rëndësishëm për komunitetin shqiptar, duke reflektuar kontributin e tyre jetik në shtetësinë dhe rrugëtimin e vendit drejt integrimit euroatlantik.
“Sot shënohet një moment historik të rëndësishëm për të gjithë komunitetin shqiptar, duke reflektuar kontributin e tyre jetik në shtetësinë dhe rrugëtimin e vendit drejt integrimit euroatlantik. I uroj qeverisë dhe të gjitha institucioneve suksese”, ka shkruar Osmani.
























