5 persona lëndohen në aksidentin mes autobusit dhe tri veturave në Mleqan
BKT
Lajme

5 persona lëndohen në aksidentin mes autobusit dhe tri veturave në Mleqan

F.S / RTKlive

Pesë persona kanë mbetur të lënduar në një aksident trafiku, i cili ka ndodhur këtë të premte në fshatin Mleqan të Malishevës.

Zëdhënësi i Policisë së Kosovës për rajonin e Gjakovës, Sheremet Elezaj i tha RTKlive se sot rreth orës 19:00 është raportuar aksident trafiku në fshatin Mleqan-Malishevë (rruga Prishtinë-Pejë).

Ai tha se Policia ka dalë në vendin e ngjarjes ku të përfshirë në aksident kanë qenë një autobus dhe tri automjete udhëtaresh.

“Përveç dëmeve materiale, deri më tani është raportuar për pesë persona të lënduar. Aktualisht, Njësia Rajonale e Komunikacionit Rrugor është duke ndërmarrë veprimet nevojshme hetimore”, tha Elezaj.


MË SHUME NGA Lajme