Kusari-Lila: Liria dhe shteti ynë janë të çmuara
BKT
Lajme

Kusari-Lila: Liria dhe shteti ynë janë të çmuara

M.Miftari/RTKlive

(E plotësuar) Mimoza Kusari-Lila, shefe e Grupit Parlamentar të LVV-së, në seancën solemne për 16-vjetorin e pavarësisë së Kosovës, foli për flijimin e fëmijëve në luftën e Kosovës, të cilët nuk u kursyen nga forcat ushtarake policore serbe.

“Për lirinë  e shtetit tonë u sakrifikuan 1138 fëmijë, prej të cilëve 109 ende të pagjetur. Liria dhe shteti ynë hanë të çmuar dhe ashtu sikur vlera e tyre duhet t ëjetë përpjekja jonë që historia dhe e kaluara kurrë më të mos përsëritet në këtë nënqiell”, deklaroi Kusari-Lila.

Tahiri: Thaçi dhe të tjerët po e vazhdojnë betejën e radhës për drejtësi

Shefi i deputetëve të Partisë Demokratike të Kosovës, Abelard Tahiri, në seancën solemne të Kuvendit të Kosovës për nder të 16-vjetorit të Pavarësisë, ka përkujtuar fjalët e ish-presidentit Hashim Thaçi gjatë shpalljes së Pavarësisë më 17 shkurt të vitit 2008.

Tahiri përkujtoi se Thaçi dhe të tjerët janë duke e vazhduar betejën e radhës për drejtësi, për Kosovën.

“Më 17 shkurt të vitit 2008, i papërsëritur presidenti Hashim Thaçi, në emër të popullit të Kosovës i prezantoi Kuvendit të Kosovës deklaratën e pavarësisë. Nëpërmjet të cilës shpallem Kosovën shtet të pavarur, sovran dhe demokratikë”, tha Tahiri.

Abdixhiku: Ta bëjmë vendin çerdhe të ëndrrave e vlerave tona të përbashkëta

Kryetari i Lidhjes Demokratike të Kosovës, Lumir Abdixhiku, në seancën solemne të Kuvendit të Kosovës për nder të 16-vjetorit të Pavarësisë, tha se është detyrë e jona që paqja dhe liria e demokracia, si vlera t’i ruajmë dhe t’ua përcjellim gjeneratave të ardhme.

“Kështu e bëjmë vendin tonë çerdhe të ëndrrave e vlerave tona të përbashkëta”, deklaroi Abdixhiku.

Ai kujtoi ish-presidentin e Kosovë, Ibrahim Rugova, vizioni i të cilit, i artikuluar në fillim të ’90-tave, u bë realitet në fund të atyre viteve, ku bota u bashkua me ne.

Abdixhiku gjithashtu kujtoi luftën e UCK-së, dhe mbështetjen ndërkombëtare.

Ai, duke folur për ruajtjen e miqësisë dhe aleancave më ndërkombëtarët, citoi thënien e Ibrahim Rugovës se “shtëpia nuk mbahet pa miq”.

Tahiri: T’i ruajmë vlerat euroatlantike

Besnik Tahiri, shef i GP të AAK-së, në seancën solemne të Kuvendit të Kosovës për nder të 16-vjetorit të Pavarësisë, tha se pavarësia e Kosovës është akti që na bashkoi të gjithëve.

Tahiri foli për historinë e lavdishme të popullit të Kosovës për liri dhe pavarësi, duke kujtuar figurën e simbolit të rezistencës, Adem Demaçi, pastaj të presidentit Ibrahim Rugova, duke kulmuar, sikundër u shpreh ai, luftën e UÇK-së për liri dhe pavarësi, me sakrificën e familjes së Adem Jasharit në Prekaz, që u bë frymëzim për flijim të mijëra ushtarëve që ranë për liri të vendit.

Ai më tej tha se vlerat euroatlantike duhet t’i ruajmë që të integrohemi në organizatat ndërkombëtare.


MË SHUME NGA Lajme